Ayətullah əl-uzma Xameneinin  (müddə zilluhul-ali) dəftərxanası:

Cavab 1: Əgər (namazı qılmağa) əcir tutulan zaman (müqavilə) namazları şəxsin özünün qılmağı şərt edilməyən və başqasına həvalə edilməsi mümkün olan şəkildə olsa, işkalı yoxdur.

Cavab 2: Sualın fərz olunduğu halda qiymətlər fərqi ilə əlaqədar əhvət nəzər razılaşma etməkdir.

Cavab 3: Gərək meyitin varislərini razı salasınız.

Ayətullah əl-uzma Məkarim Şirazinin (müddə zilluhul-ali) dəftərxanası:

Cavab 1. İsticari namazda əcir tutulan şəxs yalnız (varisdən) icazə aldıqda ibadətləri başqasına həvalə edə bilər.

Cavab 2 və 3. Mümkün olan yollarla onun (varisin) razılığını əldə etməlisiniz.

Ayətullah Məhdi Hadəvi Tehraninin (damət bərəkatuh) cavabı belədir:

Cavab 1. Əgər icarə zamanı sizə izn verilərək “namazı həm özünüz qıla bilərsiniz, həm də başqasına həvalə edə bilərsiniz” deyilsə, yaxud belə bir məsələ tərəflərin zehnində olsa və yaxud belə bir müqavilənin zehni fəzasında olsa, bu işin eybi yoxdur. Əgər belə olmasa, meyitin varislərindən icazə aldıqdan sonra bu işi görə bilərsiniz.

Cavab 2. Pulu qaytarmaq, yəni müqaviləni pozmaq istəsəniz, bu halda belə bir haqqa malik olsanız, yəni qarşı tərəf də qəbul etsə, yaxud heç olmazsa bu fərzdə sizin üçün onu poza bilmə haqqınız müqavilədə olsa – yalnız müqavilədəki məbləği qaytarmalısınız və günün (əlavə olunan) artıq miqdarı sizin öhdənizə deyildir.

Cavab 3. Siz borclusunuz və əgər pulunuz yoxdursa, imkanınız olan zaman ödəməsiniz. Nəzərə alın ki, zamanın keçməsi borcun aradan qalxmasına səbəb olmur. Əgər ömrünüzün axırına qədər borcu ödəyə bilməsiniz, ölümünüzdən sonra bu borc sizin əmlakınızdan götürülərək ödənməlidir. Şübhəsiz, imkan olan halda borcu qaytarmağı təxirə salmaq caiz deyildir.