Беләликлә, вилајәти-фәгиһин мәсум Имам (әлејһиссалам) тәрәфиндән тәјин олунма гануну илә рәһбәрлијә чатмасы мәсәләси, рәвајәт вә дәлилләрин заһиринә ујғун олараг, ајәтуллаһ Хомејни һәзрәтләринин бујурдуғу кими исбат ва сүбут ҹәһәтдән гәбулунда һеч бир шәкк-шүбһә јохдур. Бунунла белә, әҝәр истәсәк ислам ҹәмијјәтиндә һеч бир заман вә мәкана мәхсус олмајан һәр һансы гануну гәрар верәк, ҹәмијјәтин сечим ихтијарыны гәбул етмәкдән башга јолумуз јохдур.[1]

Мәсәләнин изаһы беләдир: доғрудур ки рәвајәт вә дәлилләрин заһири ҝөстәрир ки, бүтүн шәраитә малик олан адил фәгиһләрин вилајәти-фәгиһ мәнсәбинә тәјин олунмасы мәсәләсиндә чәтинлик јохдур. Фәрди мөвзуларда һәр кәс мүәјјән олунмуш шәраитә малик адил фәгиһә мүраҹиәт едә биләр вә рәһбәрлик (шәриәт) мәсәләләриндә ондан көмәк истәјә биләр.[2] Лакин, әҝәр истәсәк ки, бу мәсәләјә иҹтимаи вәзифә вә ја ҹәмијјәтә рәһбәрлик ҹәһәтдән бахаг, “тәјин олунмаг нәзәријјәсинин” сәһиһлијини тәсдиг етмәклә јанашы мүәјјән бир ганун гәбул етмәк лазымдыр. Бу вахт “сечмәк ганунуну” ирәли сүрмәкдән башга јолумуз јохдур. Әлбәттә, бу анда сечмәклик јалныз, “шәраитә малик олан фәгиһин” алимләр тәрәфиндән сечилмәси нәзәрдә тутулур. Лакин, фәгиһин рәһбәр кими тәјин олунмасы јалныз, мәсум Имам (әлејһиссалам) тәрәфиндәндир. Јәни, мүсәлманлар фәгиһләрә вилајәт мәгамыны јох, онларын арасындан рәһбәрлијә сәлаһијјәти оланы сечиб иш башына ҝәтирирләр.

Мүәјјән олунмуш шәраитә малик олан фәгиһи танымагдан өтрү ики јол вар:

1.Бирбаша сечмәк: Бу гајдаја әсасән, өзләрини бу мәнсәбә лајиг билән фәгиһ, јахуд әтрафдакылары ону рәһбәрлијә сәлаһијјәтли биләндән сонра фәгиһ, әввәлҹә бу мәгама ҝәлмәкдән өтрү гејдијјјатдан кечир. Сонра бир дәстә мүтәхәссис шәриәт алимләри онларын бу мәгама сәлаһијјәтли олмасыны тәсдиг едирләр. Бу заман ҹәмијјәт онларын арасындан бирини сечир.

2. Васитә илә сечмәк.  Бу гајдада ҹәмијјәт, рәһбәрлијә сәлаһијјәти вә шәраити олан рәһбәри онларын әвәзиндән сечмәкдән өтрү әввәлҹә, бир дәстә мүтәхәссис алими сечир сонра онлар ҹәмијјәтин әвәзиндән үмуми шәраити олан вилајәти-фәгиһи сечирләр.

Диггәт олунса ҝөрүнәр ки, һәр ики гајдада вилајәти-фәгиһин шәраитини дәгиг танымагдан өтрү мүтәхәссләрин сөзү мүһүмдүр. “Фәгиһлик” елә бир мәгамдыр ки, онун һансы шәхсдә  олдуғуну јалныз, бу саһәдәки мүтәхәссләр тәјин едә биләрләр. Нүмунә үчүн, әҝәр бир һәкими јахшы танымаг истәјириксә мүтүхәссис һәким мәсләһәтинә еһтијаҹымыз вар.

Бу ики јолда фәрг бундан ибарәтдир ки   биринҹи јолда вилајәти-фәгиһин тимсалыны ҹәмијјәтдә мүтәхәссис вә хубрәган тәсдиг едирләр. Сөз јох ки, бу мәгамда ән аз шәраитә малик олмаг рәһбәрлијә намизәд олмаг үчүн кифајәт едир. Һалбуки, икинҹи гајдада онлар, бу мәгама сәлаһијјәтләри оланларын ичиндән ән чох үстүнлүјү оланы сечмәлидирләр. Она ҝөрә дә икинҹи јол биринҹидән үстүн вә сечимлидир. Јәни, ҹәмијјәт тәрәфиндән әввәлҹә мүтәхәссис бир дәстә сечилир, сонра бу мүтәхәссисләр вилајәти-фәгиһ мәгамына сәлаһијјәтләри олан онларҹа фәгиһин ичиндән бирини рәһбәрлијә сечирләр. Һәмин мәсәлә Иран Ислам Ҹумһуријјәтинин әсас ганунунда да нәзәрдә тутулмушдур. Белә ки, тәјин олмаг нәзәријјәсини гәбул етмәклә јанашы, вилајәти-фәгиһ бир дәстә мүтәхәссис алимләрин мәшвәрәт вә сечими илә дә сечилир. Бу да о демәкдир ки, васитә илә сечим даһа үсүтүнлүк тәшкил едир.

Беләликлә, истәр бирбаша сечими гәбул едәк, истәрсә дә васитә илә сечими,  һәр һалда, вилајәти-фәгиһин мәсум Имам (әлејһиссалам) вә шәриәт тәрәфиндән тәјин олунма нәзәријјәсини гәбул етсәк вә бу мәнсәбин јалыз шәриәт тәрәфәндән тәјин олунмасы илә јанашы рәһбәрин сечилмәсиндә ҹәмијјәтин дә ролу мүһүмдүр. Ҹәмијјәтин ролу тәкҹә, ислам һөкумәтинин һакимијјәтә ҝәлмәси вә рәһбәрлијин һәдәфләринин иҹрасында хүласәләшмир.[3] Бундан әлавә, үмуми шәраитә малик вилајәти-фәгиһин бирбаша вә ја васитә илә сечилмәсиндә ҹәмијјәтин ролу мүһүмдүр. Һәмчинин, она вәзифәсини иҹра етмәкдән өтрү бүтүн шәраити јарадан мәһз ҹәмијјәтдир.

Даһа чох мәлумат үчүн бах:

Мәһди Һадәви Теһрани, вилајәт вә дәјанәт, муәссисеји фәрһәнҝи ханеји хирәд, Гум, икинҹи чап, 1380ҹи шәмси или.