aya ta 34 a cikin suratul nisa na cewa; Maza, su ne suke dauke da nauyin mata sakamakon falalar da Allah ya yima wasun su akan wasu sakamakon taimakon da suke badawa na daga dukiyar su, da kuma mata salihai sune masu biyayya da kasgantar da kai kuma suna boye sirrin mazajen su alokacin da ba su nan.amma akwai wasu matayen da suke kin biyayya to kuyi masu gargadi da tsoratarwa in baiyi amfani ba to ku nisance su yayin kwanciya, in kuma bayyi amfani ba {wadhribuhunna} {ku karkato da su} idan suka amsa to kada ku zamu masu wuce gona da iri {wato matakin da ku ka dauka na nisantar kwanciya da su da kuma duka sai ku daina} ku sani Allah madaukakin sarki mai girma ne. Abun Lura A Cikin Wannan Ayar: Da farko ya kamata mu lura cewa ayar ba tana Magana da dukkan mutane ba ne, a takaita ne ga wasu ma’auratan, kuma dai ta takaita ga ma auratan da suke fuskanta matsalar zaman aure. Ko da yake da farko ayar na nuni da baki daya ne wato kowa da kowa {Maza, su ne suke dauke da nauyin mata sakamakon falalar da Allah ya yima wasun su akan wasu sakamakon taimakon da suke badawa na daga dukiyar su, da kuma mata salihai sune masu biyayya da kasgantar da kai kuma suna boye sirrin mazajen su alokacin da ba su nan}. Kalmar {qim} na daukar ma'anar wanda ke daukar nauyi tafiyar da lamuran wani, Kalmar {qawam} da kuma {qiyam} mubalaga ce a cikin qiyam. 1, saboda haka farkon ayar na tunatar da maza nauyin da ya doru kansu dangane da mata. {qiyam} daukar nauyi sun shafi dukiyar mata a cikin al'umma. kuma tana kiran mata ya zuwa ga biyayya ga maza da kuma rufe asirin da ya shafi gidajensu {mata na gari}. Acigaban ayar {.amma akwai wasu matayen da suke kin biyayya to kuyi masu gargadi da tsoratarwa in baiyi amfani ba to ku nisance su yayin kwanciya, in kuma bayyi amfani ba {wadhribuhunna} {ku karkato das u} idan suka amsa to kada ku zamu masu wuce gona da iri {wato matakin da ku ka dauka na nisantar kwanciya dasu da kuma duka sai ku daina} ku sani Allah madaukakin sarki mai girma ne. Acikin wanna ayar ana Magana ne da mazan dake jin tsoran rashin biyayyar matan su da saba masu cikin ummarni da kuma abunda ya shafi tafiyar da gida. Nushuz asalin Kalmar {nashaza} da ma'anar {kasa mai tutu} 2. Da kuma ma'anar kasar dake da tutu da gangara.amma ma'anar Kalmar a ciki mutane shi ne rashin biyayya da saba ummarni wanda ga ma aurata na nufin rashin fahimtar juna da rashin gamsuwa a cikin rayuwar yau da gobe da kuma abunda ya shafi alakar jima'I da rashin wadda da jima'I a yayin kwanciya. Acikin Kalmar {fa'azuhunna} wa'azzi sakamakon tsoro ne na nushuz 3. {rashin yadda ga kwanciya} ba shin kansa nushuz din ba. Saboda kur'ani maigirma ba yana nufin taurin kai da sabawa ba shi ne asalin mace ba shiyasa ya ce duk lokacin da suka sabo wato rashin amincewa to kuyi masu wa'azzi. Saboda haka ayar na isharane ga wadanda ke da tsoro a cikin lalacewar zamantakewa na gida, ahakika wannan ayar na Magana ne da namijin dake hangen rashin kula da kuma ko in kula a cikin rayuwar yau da gobe na aure ko kuma rashin alaga zuwa ga jima'I da matarsa ke nunawa saboda haka yana jin tsoron samun matsala a cikin rayuwarsu da gida. Mafiya yawancin irin wannan rayuwar dake tatare ma matsaloli da kuma rishin yadda mace wurin kwanciya da kuma tsoron dake tatare da miji daga garshe sakamakon karshe shi ne saki da rabuwa. Saboda haka domin kawo kyara cikin irin wannan rayuwar marar dadi da kuma kaucema sabanin da zai zo nan gaba. Da farko an bukaci muji day a tatauna da matarsa dangane da matsalolin da ke faruwa. Domin da hanyar tataunawane gaskiya zata baiyyanar masu su gane abunda ke kawo rashin fahimtar juna a tsakanin su. Ta hanyar tataunawane in akwai karanci rashin kulawa, ko rashin lafiya, ko matsalar dukiya za a'samu kyarawa ko kuma daukar matakin da yadace nan gaba. Tahanyar tataunawane za a fahimci cewa mace na da alagar ci gaba da zama da mujinta ko bata so. In bata da alagar cigaba da zama tabbas za a rabune. 4. wannan ayar na riga kafi ne a kan kada asamu rabuwa {wato saki}. amma idan mace ta nuna alaga da so ga mijinta da kuma abunda ya shafi tafiyar da gida da kuma dake wajan kiyaye tsarin tafiyar da gida, sai dai kuma bata da alaga wurin al'amarin jima'I, to gila tana fama da rashin lafiya ne. idan muka lura da ayar bata yi hukunci kai tsaye bag a matan dake kin yarda da mazan su wurin kwanciya kuma batayi nuni da azabar ubangiji ba akan su, domin kin yin hakan na nuni da yiyuwar samuwar rashin lafiya. Amma farko ayar tana gargadi ne ga miji a matsayin sa na namiji akan ya kiyaye da kuma daukar nauyin gida kuma nauyin matar sa {qawamuna alalnisa} saboda haka bai dace ba namiji ya rabu da matar sa don rashin lafiya ba. Sabboda haka kur'ani mai kirma ya kawo wata hanyar domin samun mafita shi ne bada iko baki daya hannun miji, akan ya nisanci wurin kwanciya da matar sa, yin hakan zai sa ya samu karfin zuciya domin ya yi galaba akkan tsoran dake tatare da shi ta wata fuskar ba mamaki sakamakon yin hakan {wato nisantar kwanciya} yasa matar ta nuna alaga wajen cigaba da rayuwa da kuma alaga zuwa ga jima'I. in kuma wannan matakin baiyi amfani ba, hanya ta ukku shi ne {wadhribuhunna} {wato ku buge su} wannan hanyar bayan an gwada hanyoyin biyu baa dace ba. 5. kamar yadda ya bayyana a baya cewa wannan ayar ta shafi wasu bangare ne na mutane kawai; A, ta shafi ma auranta da suke da matsala kawai, ba wai dukkan maza da mata ba ne ta shafa ba. b. ta shafi ma aurantan da macen ba ta kiyaye tsarin tafiyar da gida, saboda haka bata shafi ma auranta da suke da matsalolin da ba su shafi wannan ba. c. saboda haka wannan ayar na Magana ne da mutumin da matar sa bata lafiya wanda sakamakon hakan ne ta ke gujewa mijinta wurin kwanciya: 1, ko kuma namijin dake gujema tashin hankali amma kuma ya gaza ya kayo kyara a cikin matsalolin dake fuskarta gidan sa. 2, ko kuma amfani da tsanani da take hakin kansa ko na matar sa domin dawo da zaman lafiyar cikin gidan shi. Amma kur'ani mai girma a cikin ayoyi da dama yana hani ga tsanani da tashin hankali. Acikin wannan ayar yana cewa; kar ku wuce gonad a iri {wato take hakin juna} saboda wuce gona da iri shi kan shi nu'ine na zaluntar kai {6} saboda haka ana hani da shi. A bisa fadin kur'ani namiji da mace dole ne su tsaya kan gaskiya. Kuma dole ne ya zamo cikin halayen sub a cutar da juna: ba cuta ba cutarwa sai dai amfani da anfanarwa. Saboda haka indan kur'ani ya yi ummarni da aikata abu to abun ba zai sabama hankali ba domin ummarni kur'ani aiki ne da takalifi. {6} saboda haka ayar ba tana ba namiji ummarni dukan matar sa ba, kuma ba tana nufin take hakin mace ba ne.sai dai tana nu ni da nauyin da ya rataya akan miji da kuma kare hakin mace {qawamuna alnisa}. Kalmar {zaraba} {bugu} tazo da ma'anoni da dama a cikin kur'ani misali akace da musa ka bugi dutsi da sandar ka, wani wuri kuma tazo da ma'anar tafiye tafiye {kuyi tafiya} awani wurin kuma kuyi tafiya domin Allah, ko kuma da ma'anar buga tambari, an buga masu tambarin kaskanci, ko kuma da ma'anar buga misali haka ne Allah yake buga misali. Amma a cikin ayoyi biyu ya zo ne da ma'anar karkatowa; a cikin suratul baqara ayata 72, bayan anyi masu tuni akan wani wanda yai kisa kuma yake boyewa, cewa ku bugi matacen da kashin saniya sais u kayi hakan, sai Allah ya tayar da matacen. Acikin wannan ayar {zaraba} tazo ne da ma'anar duka a cikin suratul anfal aya ta 50 kuma.tazo da ma'anar karkatowa da nufin kyara rayuwa. Kuma a cikin suratul nisa aya ta 34. Saboda haka a cikin kur'ani Kalmar {zaraba} na da ma'ana goma sha hudu. In muka lura zamu ga cewa {zaraba} {wato duka} wani aiki ne wanda acikisa akwai wani hadafi wanda ake son cimmawa. Don haka a cikin wannan ayar {izribuhunna} {ku buge su} wane hadafi ne ake son cimmawa? In muka lura za mu ga cewa hadafi anan shi ne karkato da mace ya zuwa ga dadin rayuwa da kuma girmama hakokin ta {mace} da kuma hakokin mijinta {wannan shi ne asali a cikin kur'ani} amma inda manufar wannan Kalmar shi ne dukan mace da ladaftar da mace, to afili yake cewa an take hakkin mace ne da kuma hakkin namiji {6} wanda hakan ta sabama koyarwa ta kur'ani mai girma. Saboda haka manufa a cikin {wazribuhunnan} ku buge su} shi ne tayar da mace da kuma karkato da ita ya zuwa ga jin dadin rayuwa. Lokacin da ya zamo dalili duga shi ne dawo da mace zuwa ga rayuwa saboda haka ba za ace ma hakan tsanani ko kuma takurawa ba sai dai ya zamo wani nau'I na jayo hakali da karkatowa ya zuwa ga jindadin zamantakewa ta auratayya da kuma jin dadin jima'I a tsakanin ma'aurata. Sai ayar taci gaba da cewa; yayin da suka mika wuya to kar ku wuce gonad a iri wato alokacin da suka dai na kujema miji ayayin kwanciya {jima'i} suka dawo cikin biyyaya to namiji bai da hakin ya cigaba da matakin farko {wato karkato da ita} ba, saboda in ya cigaba da hakan to ya fita daga hadafi na farko wato karkatowa ya shiga wani abun daban wato tsanani da takurawa. Domin hadafi a cikin takurawa shi ne kaskantar da mutun kuma wannan hadafin ya sabama hakkin mace da namiji. Don haka takurawa a cikin gida ko ayayin kwanciya ya kamata ta zamo cikin soyayya da kuma nuna kyauna.in ta zamo hakan to ma'aurata zasu ji dadin auren su kuma suci gaba da rayuwa ta zaman lafiya ba tare da takurawa ba. Shin wannan fassarar ayar tayi dai dai? 1} tarjamar almizan suratul nisa aya ta 34 2} tafsirin namune suratul nisa aya ta 34 3} acigaban ayar ta 35 nisa akwai mahangar cewa kamar yanda ya zo a cikin ayar, {idan ku kaji tsoron rabuwa ko sabani a tsakanin ku, to ku dauko alkali daga bangaren miji da kuma bangaren mata domin suyi bincike a cikin lamarin, idan wadannan alkalan suna da nufin kyarane to Allah madaukakin sarki zai taimake su abisa abunda su ka yi nufi, saboda Allah masanine kuma yana da labara abisa niyar kowa. 5} akwai wani nau'I na rashin lafiyar ruhi {jindadi ayyukan wahala} irin wannan ciwon ya fi yawa a cikin al'ummar dake rayuwa cikin tsanani da wahala har takai ga suna ganin tsanani da wuya wani abune mai tsarki, kuma suna ganin takurama kai wani nau'ine na ibada suna ganin haka hanyace ta zuwa ga aljanna. Wasu masana ilimin kwakwalwa, suna ganin wahalar da mace ke sha yayin daukar ciki da tarbiyar yaro suna yin abune da jin dadi da kuma farin ciki wannan na daya daga cikin alamomin irin wannan ciwon amma wanda bai da hadari. Amma irin wannan ciwon ana samun shi cikin abunda ya shafi al'amari jima'I a bangaren mata. wanda suke bugata zuwa ga motsa su da tayar da hankalin su domin biyan bugata ta sha'awa wanda irin wannan motsarwar na iya kaiwa ga tagurawa ko duga wanda sakamakon hakan ba zai zo da kyau ba. 6} shishigi da wuce gona da iri a cikin al'amuran mutane a mahangar kur'ani zaluntar kai ne;misali wannan ayar na cewa a cikin tafsirin nawin suratul baqara aya ta 231; Ayayin da ku ka saki matayen ku kuma suka kai ranakun karshe na al'ada ko kun rike su ta kyakyawar hanya ko {kuyi sulhu} ko kuma kun rabu dasu ta hanyar da ta dace, ba kuma kun rige su bane domin cutarwa da take hakkin su, wanda ya aikata hakan {wato ya tsare su domin takurawa da cutarwa} to ya zalunci kan sa {domin aikata haka take dokokin Allah ne} shin kuna rigon ayoyin Allah ne da wasa ku tuna ni'imonin ubangiji zuwa ga re ku, da kuma littafi da ilimin da aka sauko maku daga sama muna tsoratar daku da shi kuma kuji tsoron ubangiji ku sani Allah masanine abisa komai {yasan wadan da suke take dokokin sa}.